Rostov vilayətinin Taqanroq şəhərində Ukrayna pilotsuz təyyarələrinin hücumundan sonra 228 pəncərə zədələnib.
Bu barədə şəhər rəhbəri Svetlana Kambulova məlumat verib.
“Hazırda ilkin məlumatlara görə, düşmənin hücumu nəticəsində 3 yaşayış binasının və 4 fərdi yaşayış evinin pəncərə və pəncərə çərçivələri sıradan çıxıb: “Ümumilikdə 228 pəncərə açılışı zədələnib”, – deyə o, Telegram kanalında yazıb.
O vurğulayıb ki, hücumdan sonra binaların dayaq konstruksiyaları zədələnməyib.
Bundan başqa, üç avtomobilə də ziyan dəyib.
Zərərin qiymətləndirilməsi və müraciətlərin qəbulu üzrə işlər davam edir.
Aprelin 1-də Rostov vilayətinin hakimiyyət orqanları PUA hücumundan sonra Taqanroqda fövqəladə vəziyyət elan edib . İki nəfər yaralanıb.
DOĞRU.AZ
