Rusiya Prezidenti Vladimir Putin yeni təyin olunmuş xarici səfirlərlə ənənəvi formatda görüş keçirib.
Doğru.az xəbər verir ki, RİA Novosti-nin məlumatına görə, görüş Böyük Kreml Sarayının Aleksandr zalında rəsmi protokol hissəsi başa çatdıqdan sonra şampan süfrəsi arxasında baş tutub.
Qeyd edək ki, bundan əvvəl Aleksandr zalında etimadnamələrin təqdim edilməsi mərasimi keçirilib. Mərasim zamanı Vladimir Putin ümumilikdə 34 xarici diplomatdan etimadnamələri qəbul edib.
Məlumata görə, ənənəvi qeyri-rəsmi görüş Rusiya rəhbərliyi ilə yeni səfirlər arasında ilk təmas kimi qiymətləndirilir.
DOĞRU.AZ
