Gəncə şəhərində dünən baş verən yol-nəqliyyat hadisəsi nəticəsində saat 20:50 radələrində Gəncə Şəhər Birləşmiş Xəstəxanasının nəzdindəki tibb müəssisələrinə 8 nəfər (7 qadın, 1 kişi) hospitalizasiya olunub.
Doğru.az xəbər verir ki, TƏBİB-in məlumatına görə, müxtəlif bədən xəsarətləri alan yaralılara Akademik Z.Məmmədov adına və A.Səhhət adına xəstəxanaların Təcili tibbi yardım şöbələrində zəruri tibbi xidmətlər göstərilib.
Hazırda 1 nəfərin (qadın) müalicəsi Travmatologiya şöbəsində davam etdirilir, vəziyyəti stabildir. Qalan 7 nəfər isə ambulator müalicə üçün evə buraxılıb.
DOĞRU.AZ
