İran hökumətinin sözçüsü Fatimə Mühacirani bildirib ki, Tehran Hörmüz boğazı üzərində xüsusi nəzarət rejimi yaratmağı planlaşdırır. O, bu barədə RİA Novosti jurnalistlərinə müsahibəsində danışıb.
Doğru.az xəbər verir ki, İran hakimiyyəti boğazı mühüm geosiyasi aktiv və digər ölkələrlə qarşılıqlı əlaqə vasitəsi kimi qiymətləndirir. Mühacirani bildirib ki, Tehran sular üzərində suverenlik məsələsində milli maraqlarına hörmət olunmasını təmin etmək üçün bütün zəruri vasitələrdən istifadə edəcək və vurğulayıb: “Hörmüz boğazı ölkəmizin xüsusi mülkiyyətidir”.
Daha əvvəl ABŞ Mərkəzi Komandanlığı (CENTCOM) qüvvələrinin İran limanlarına daxil olan və çıxan gəmiləri bloklamağa başladığı barədə məlumat yayılmışdı.
Aprelin 14-də isə RT müxbiri Mojtaba Biglari Hörmüz boğazının tam təhlükəsiz olduğunu və dəniz blokadasının əlamətlərinin müşahidə edilmədiyini bildirib.
DOĞRU.AZ
