image-2000x150px
image-123
image-ads_atlas
image-fotojet-2023-02-21t110736-833backend

İsraildə Azərbaycana həsr olunmuş tədbir keçirilib – FOTO

image-728x90px

“İsrail Akademiya Monitor” təşkilatı bu ölkənin Even Yehuda şəhərində Azərbaycana həsr olunmuş tədbir keçirib.

Bununla bağlı Diasporla İş üzrə Dövlət Komitəsi məlumat yayıb.

50-yə yaxın qonağın iştirak etdiyi və Azərbaycan multikulturalizmini əks etdirən fotosərginin nümayiş etdirildiyi tədbirdə çıxış edən “Kanal 24”ün rəhbəri, jurnalist Səadət Şükürova İsrailov ölkəmizdə heç zaman antisemitizm təzahürləri ilə qarşılaşmadığını vurğulayıb:

“Qeyd etmək istəyirəm ki, müsəlman ölkələri arasında Azərbaycan yəhudilərin rahat yaşadığı və küçədə sərbəst gəzə bildiyi yeganə ölkədir. Ümumiyyətlə, Azərbaycanda hər bir milli icma özünü azad və müstəqil hiss edir. Azərbaycanlılar mehriban, qonaqpərvər və insanpərvər xalqdır. Azərbaycanda milli azlıqların hüquqları qorunduğu üçün onlar öz dillərini, mədəniyyətlərini və dinlərini mühafizə edə bilirlər”.

“İsrail Akademia Monitor” təşkilatının baş direktoru Dana Barnett öz çıxışında Azərbaycanın multikulturalizm modelinin tarixinin 1918-ci ilə, müsəlman dünyasında ilk demokratik dövlət olan Azərbaycan Xalq Cümhuriyyətinin qurulduğu vaxta təsadüf etdiyini diqqətə çatdırıb:

“Bu respublika əvvəldən dünyəviliyə sadiq idi və millətə anlayışına münasibətdə inklüziv yanaşmanın tərəfdarı idi. Buna azərbaycançılıq deyirlər. Respublika Sovet İttifaqının tərkibinə daxil olsa da, Azərbaycan xalqı 1990-cı illərdə müstəqillik əldə etdikdən sonra öz köklərinə qayıda bildi”.

Dana Barnett Prezident İlham Əliyevin dövründə sözügedən Azərbaycan təcrübəsinə “multikulturalizm” ifadəsinin daxil edildiyini diqqət önünə çəkib. O, dünyada bir çox yəhudinin üzləşdiyi antisemitizmin antidotu kimi multikulturalizmin Azərbaycan modelini təbliğ etdiyini tədbir iştirakçılarının diqqətinə çatdırıb.

Dona Qrasiya Diplomatiya Mərkəzinin təsisçisi və baş direktoru, siyasi şərhçi və jurnalist Reyçel Avraham tədbir iştirakçılarını Xocalı soyqırımı barədə məlumatlandırmaqla yanaşı, Azərbaycan və yəhudi xalqlarının məruz qaldıqları tarixi ədalətsizliklər arasında analogiyalar aparıb.

DOĞRU.AZ

 

image-nerjbanner

  • whatsapp
  • messenger
  • telegram
  • vkontakte
  • odnoklassniki