Samuxda “II Ərik Festivalı” və “Aqrar Biznes Festivalı” keçirilib.
Doğru.az xəbər verir ki, tədbirdə rayon rəhbərliyi, Kənd Təsərrüfatı Nazirliyinin nümayəndələri, yerli və xarici iş adamları iştirak ediblər.
Festival çərçivəsində Ümummilli Lider Heydər Əliyevin abidəsi ziyarət olunub, Samux parkında isə yerli fermerlərin ərik məhsulları, milli təamlar və kənd təsərrüfatı texnikaları sərgilənib.
Tədbirdə ustad dərsləri, idman yarışları, uşaqların əl işləri və bayram konserti maraqla qarşılanıb. Festival Samuxun aqroturizm potensialının tanıdılmasına və ərik məhsullarının brendləşməsinə xidmət edib.
DOĞRU.AZ
