TƏBİB-in nəzdində fəaliyyət göstərən tibb müəssisəsində 2026-cı ilin ilk körpəsi dünyaya gəlib.
Doğru.az xəbər verir ki, bu barədə məlumat TƏBİB tərəfindən açıqlanıb.
Bildirilib ki, yanvarın 1-i saat 00:40 radələrində Şamaxı Rayon Mərkəzi Xəstəxanasında bir qız uşağı doğulub. Körpənin çəkisi 3 kiloqram 200 qramdır.
Doğuş təbii yolla həyata keçirilib. Hazırda həm ananın, həm də yenidoğulmuşun vəziyyətinin stabil olduğu qeyd olunub.
Məlumata görə, körpə 2001-ci il təvəllüdlü ananın üçüncü övladıdır.
DOĞRU.AZ
