Texas Universitetinin professoru, tarixçi Ceremi Suri bildirib ki, Rusiya Federasiyası ilə Kuba arasında əməkdaşlığın intensivləşməsi ABŞ üçün çətin tələdir.
Bu barədə CNN məlumat yayıb.
O, Rusiya rəsmilərinin Kubaya tez-tez səfər etdiyini, Moskvanın Havananı neft və sənaye malları ilə təmin etdiyini, iki dövlət arasında birbaşa aviareyslərin açıldığını vurğulayıb.
Suri əlavə edib ki, Rusiya Hərbi Dəniz Qüvvələrinin “Perekop” təlim gəmisi də Kubaya səfər edib, bu fakt və Çin tərəfinin adada guya “casusluq obyekti” qurmaq üçün verdiyi icazə “təxribat” və “ABŞ-a meydan oxumaqdır”.
Professor iddia edir ki, Amerika prezidentinin administrasiyası Moskva və Pekinin Havanaya dəstəyini məhdudlaşdırmalı və ABŞ-ın maraqlarına hörmət etməli olduqlarını etiraf etmələrini istəyir.
Mənbə: Haberler.com
