Almaniya Ukraynaya təhvil verilən silahların siyahısını yeniləyərək ona yeni elementlər əlavə edib. Sənəddə 24 MRAP zirehli texnikası, IRIS-T SLM sistemi üçün bir raket, həmçinin 50 Vektor kəşfiyyat aparatı və onlar üçün komponentlər göstərilir.
“Ümumilikdə, Almaniya Federativ Respublikası indiyədək yaxın illərdə təxminən 28 milyard avro dəyərində hərbi yardım göstərib və ya göstərməyi öhdəsinə götürüb”, – Almaniya hökumətinin saytında yer alan sənəddə deyilir.
Yeni hərbi yardım paketinə həmçinin Leopard 1 tankları və Marder piyada döyüş maşınları üçün döyüş sursatları, üç Gepard zenit qurğusu, həmçinin bu qurğular üçün 10 000 patron daxildir.
Bundan əlavə, Almaniya 5 min 155 mm çaplı artilleriya mərmisi və 2 min 122 mm çaplı mərmi köçürüb. Digər tədarüklərə 30 Gereon RCS yerüstü pilotsuz uçan aparatı, 30 dron aşkarlama sistemi və ehtiyat hissələri olan iki Wisent 1 mina təmizləmə maşını daxildir.
Bundan əvvəl Berlində müdafiə xərclərinin artırılmasına qarşı nümayiş keçirilib.
DOĞRU.AZ
