ABŞ-ın Kaliforniya Universitetinin alimləri müəyyən ediblər ki, qəhvə ağaclarının həşərat tozlayıcılarının sayının azalması onların məhsuldarlığının azalmasına səbəb ola bilər. Çox güman ki, bu proses iqlim dəyişikliyi ilə bağlıdır.
Araşdırmanın nəticələri “Science” jurnalında dərc olunub.
Məhsuldarlığın azalması təkcə qəhvə ağaclarını deyil, həm də kakao, manqo və qarpızları təhdid edir. İqlim dəyişikliyi və zəif kənd təsərrüfatı təcrübələri tozlayan həşəratların sayının əhəmiyyətli dərəcədə azalmasına səbəb olub. Tozlanma tozcuqların bitkinin kişi hissəsindən dişi hissəsinə köçürülməsidir ki, bu da sonradan mayalanma və toxum əmələ gəlməsinə şərait yaradır.
Sub-Sahara Afrikası, Şimali Cənubi Amerika və Cənub-Şərqi Asiya kimi bölgələrin məhsuldarlığı birbaşa tozlanmadan asılı olan məhsullar yetişdirdiyi aşkar edilmişdir. Qəhvə, kakao, qarpız və manqo həm yerli iqtisadiyyatda, həm də qlobal ticarətdə mühüm rol oynayır. Bəzi hallarda bu bitkiləri əl ilə tozlandırmaq olar, lakin bunun üçün çoxlu əmək və pul tələb olunur.
Mənbə: Lenta.ru
