Cənubi Koreyada hərbi obyektdə baş verən partlayış nəticəsində 3 nəfər yaralanıb.
Bu barədə Yonhap yazır.
Partlayışın təhlükəli materiallar çəninin yekun yoxlanışı zamanı naməlum səbəbdən baş verdiyi dəqiqləşir. Fövqəladə vəziyyət nəticəsində üç mülki işçi xəsarət alıb – onlar yanıq xəsarətləri alıblar. Hazırda onların həyatları təhlükədə deyil.
Hərbçilər arasında itki yoxdur.
Hazırda fövqəladə hallar xidmətləri və hərbi mütəxəssislər hadisənin dəqiq səbəblərini və dəymiş ziyanın həcmini müəyyənləşdirirlər.
DOĞRU.AZ
