Britaniyalı jurnalistlər Türkiyə Prezidenti Rəcəb Tayyib Ərdoğanın ailə üzvləri və əsas nazirləri də daxil olmaqla, onun potensial varislərinin siyahısını tərtib ediblər. Britaniyanın “The Economist” jurnalı öz mənbələrinə istinadən Ərdoğan dövrünün bitməsindən sonra prezident vəzifəsinə namizəd ola biləcək siyasətçiləri açıqlayıb.
Doğru.az xəbər verir ki, nəşrin qısa siyahısına dörd əsas şəxs daxil edilib: prezidentin oğlu Bilal Ərdoğan; kürəkəni və Baykarın həmtəsisçisi Səlcuq Bayraktar; hazırkı Türkiyə Xarici İşlər naziri Hakan Fidan; və keçmiş nazir Süleyman Soylu.
Məlumata görə, hakim partiya nümayəndələri rəsmi olaraq “B planı” olmadığını bildirirlər, lakin ekspertlər Hakan Fidanı əsas namizəd hesab edirlər. Xarici İşlər Nazirliyinə qoşulmazdan əvvəl o, on ildən çox Türkiyə kəşfiyyatına rəhbərlik edib.
Analitiklər bildirirlər ki, prezidentin 44 yaşlı oğlu Bilal Ərdoğanın şansı digər namizədlərə nisbətən daha azdır.
DOĞRU.AZ
