Yeni Haval H9 SUV səhra şəraitində sınaqdan keçirilir.
Bu barədə Carnewschina.com xəbər verir.
Model 2024-cü ildə təqdim olunacaq.
Yayılan fotoya əsasən, Haval H9 retro üslubda hazırlanıb. O, düzbucaqlı faralara, dairəvi formalı gündüz işıqlarına və üfüqi relsli barmaqlığa malikdir. Bundan əlavə, model geniş təkər tağları, hündür kapot xətti, böyük yan güzgülər, böyük bamperlər, dam relsləri və arxa qapıda saxlama qutusu ilə seçilir.
Avtomobil 224 at gücünə malik benzin mühərriki, həmçinin 190 at gücünə malik dizel aqreqatı ilə təchiz ediləcək. Birinci halda, mühərrik səkkiz pilləli avtomatik transmissiya ilə, ikincisində isə on pilləli ilə işləyəcək. Sürücü yalnız tam ötürücülüdür.
Mənbə: Autotech
