İranda son sutka ərzində koronavirusdan ölənlərin sayı rekord sayda – 337 nəfər artıb. Doğru.az “İnterfaks”a istinadən xəbər verir ki, bu barədə ölkənin Səhiyyə Nazirliyi bildirib.
Bununla da İranda koronavirus qurbanlarının sayı 30 712-yə çatıb.
Bundan başqa, son 24 saat ərzində ölkədə 4 251 yoluxma halı qeydə alınıb ki, bu da xəstələrin ümumi sayını 534 631-ə yüksəldib.
Qeyd edək ki, oktyabrın 3-dən ölkənin paytaxtı Tehranda məhdudiyyətlər sərtləşdirilib: məktəblər, məscidlər, mağazalar, restoranlar və digər ictimai müəssisələr bağlanıb. Bundan başqa, maska taxmaq məcburidir, bu qaydanın pozulmasına görə cərimə tətbiq olunur.
