Rusiya Elmlər Akademiyasının Vahid Geofizika Xidmətinin Kamçatka bölməsinin saytı xəbər verir ki, Sakit Okeanın Kuril adalarının şimal qrupundan bir qədər də uzaq olmayan ərazidə maqnitudası 5,7-yə çatan dörd zəlzələ qeydə alınıb.
Ən güclü zəlzələnin episentri Paramuşir adasındakı Severo-Kurilsk şəhərindən 206 kilometr şərqdə yerləşib. Şəhərdə yeraltı təkanlar iki bal gücündə hiss olunub.
Digər üç zəlzələnin gücü 4,5, 5,0 və 5,4 bal olub.
Bundan əvvəl avqustun 16-da Türkmənistanda 5,3 bal gücündə zəlzələnin baş verdiyi bildirilirdi. Yeraltı təkanların mənbəyi 48 kilometr dərinlikdə olub.
Mənbə: Lenta.ru
