Uşaqlar bizim təbəssümümüz, məsumiyyətimizdir. Birlikdə keçirdiyimiz hər dəqiqə, göstərdiyimiz diqqət və sevgi onlar üçün ən böyük hədiyyədir.
Birliyimizə daxil olan müraciətlər əsasında Bakının Əmircan, Ramana, Əhmədli kimi bir sıra kəndlərində yaşayan və fiziki məhdudiyyətli övladları olan ailələri ziyarət etdik. Gözəl qəlbli balalarımızla bolluca zaman keçirdik, üzlərində yaratdığımız təbəssümlə sevincləndik. Ailələrin qayğıları ilə maraqlandıq, onlara ərzaq yardımı və maddi dəstək göstərdik, uşaqları isə müxtəlif hədiyyələrlə sevindirdik.
Unutmayaq ki, sevgi bütün əngəlləri aşacaq gücə qadirdir. Kiçik qəlblərə isti nəfəs olmaq üçün bəzən ovuc içi qədər sevgi kifayət edir!
