Qazaxıstanın Qazaq Air aviaşirkəti dekabrdan Novosibirskə müntəzəm sərnişin reyslərini bərpa etmək niyyətindədir. Bu barədə Qazaxıstan Nəqliyyat Nazirliyinin mətbuat xidməti məlumat yayıb. Bu barədə TASS yazır.
“Moskvada nəqliyyat həftəsi çərçivəsində Qazaxıstan Respublikasının nəqliyyat naziri Marat Karabayev Rusiya Federasiyasının nəqliyyat naziri Vitali Savelyev ilə görüşüb”, – məlumatda deyilir. Məlum olub ki, tərəflər hava rabitəsi sahəsində əməkdaşlığın daha da genişləndirilməsi məsələlərini müzakirə ediblər. Nümayəndələr arasında Qazaq Air aviaşirkəti ilə Rusiyanın Novosibirsk şəhərinə müntəzəm sərnişin reyslərinin bərpası barədə razılıq əldə olunub.
Departamentin məlumatına görə, aviaşirkət dekabr ayından etibarən Astana-Novosibirsk marşrutu üzrə həftədə beş dəfəyə qədər, Ust-Kamenoqorsk-Novosibirsk marşrutu üzrə isə həftədə iki dəfəyə qədər uçuşlar həyata keçirməyi planlaşdırır.
Mənbə: TASS
