Qazaxıstanın Qaraqanda vilayətinin Botakara kəndində yaşayış binasının qismən uçmasına səbəb olan məişət qazının partlaması nəticəsində insanlar dağıntılar altında qalıb.
TASS xəbər verir ki, bu barədə regional fövqəladə hallar departamentinin rəhbəri Murat Katpanov məlumat verib.
Katpanovun sözlərinə görə, Botakara kəndində ikimərtəbəli, iki girişli, 12 mənzilli yaşayış binasında məişət qazı balonu partlayıb. Partlayış nəticəsində evin ikinci mərtəbəsi qismən uçub. Xilasedicilər dağıntılar altından 6 nəfəri xilas ediblər. Onların hamısı xəstəxanaya göndərilib.
Hazırda dağıntılar altında ola biləcək insanların axtarışı üçün hadisə yerində iş davam edir. Onlarda 45 nəfər və 13 texnika iştirak edir.
Mənbə: TASS
