Qırğızıstanın Fövqəladə Hallar Nazirliyi ölkə dağlarında həlak olan alpinistlərin sayını dəqiqləşdirir.
Doğru.az xəbər verir ki, RİA Novosti-nin məlumatına görə, avqust ayında İssık-Kul vilayətinin dağlarında dörd alpinist həyatını itirib: iki iranlı, bir italyan və bir rusiyalı.
Agentliyin mənbəsi bildirib: “Daha çox ölən ola bilər. Hazırda bu məlumat dəqiqləşdirilir.”
Qeyd edək ki, əvvəlcə rusiyalı alpinist Nataliya Naqovitsinan itkin düşmüş elan olunmuşdu. O, avqustun 12-də Tyan-Şanın ən yüksək nöqtəsi olan Pobeda zirvəsindən enərkən ayağından zədə alıb. Digər alpinistlər onu xilas etməyə çalışsalar da, çətin hava şəraiti buna imkan verməyib.
DOĞRU.AZ
