Rusiyanın Nayrobidəki səfirliyi Keniyadakı Rusiya vətəndaşlarını evlərini tərk etməməyə və insanların sıx olduğu yerlərdən qaçmağa çağırıb.
Bu barədə diplomatik nümayəndəliyin Teleqramında deyilir.
“Keniyada vəziyyətin daha da pisləşməsi ilə əlaqədar olaraq, biz ölkədəki Rusiya vətəndaşlarına çox zərurət olmadıqca yaşayış yerlərini tərk etməməyi tövsiyə edirik”, – bəyanatda deyilir.
Diplomatik nümayəndəlik həmçinin Nayrobi, Mombasa, Kisumu, Kakameqa, Eldoret, Nakuru, Nanyuki, Nyeri, Kisii, Kilifi, Embu və Kericho kimi ərazilərdə Keniyanın qanuni orqanlarının və hüquq-mühafizə orqanlarının əməkdaşlarının tələblərinə əməl etməyə və sayıq olmağa çağırıb.
“İyunun 27-də nümayişçilər Nayrobi şəhərinə gedən əsas giriş yollarını bağlaya bilərlər”, – diplomatik missiya əlavə edib.
Bundan əvvəl məlum olmuşdu ki, Keniyada hüquq-mühafizə orqanları vergilərin artırılması ilə əlaqədar etirazçılara qarşı rezin güllələrdən istifadə ediblər.
DOĞRU.AZ
