Rusiyanın Saratov şəhərində onmərtəbəli yaşayış binasında baş verən qaz partlayışı faciə ilə nəticələnib.
Doğru.az xəbər verir ki, partlayış Blinov küçəsində yerləşən binada baş verib. Rusiya Fövqəladə Hallar Nazirliyi hadisə nəticəsində 3 nəfərin öldüyünü təsdiqləyib. Dağıntılar altında daha insanların qalma ehtimalı olduğu üçün axtarış-xilasetmə işləri davam etdirilir.
Rusiya İstintaq Komitəsinin regional idarəsi məlumat yayıb ki, hadisə ilə bağlı təhlükəsizlik tələblərinə cavab verməyən xidmətlərin göstərilməsi faktı üzrə, Rusiya Federasiyası Cinayət Məcəlləsinin 238-ci maddəsi ilə cinayət işi başlanıb.
DOĞRU.AZ
