Yanvarın 22-də Aznakaevski rayonunun Aktyubinski şəhər tipli qəsəbəsində 11 yaşlı uşaq dünyasını dəyişib, bununla bağlı müstəntiqlər ehtiyatsızlıqdan ölümə səbəb olma maddəsi ilə cinayət işi açıblar.
Bu barədə Rusiyanın Tatarıstan Respublikası üzrə İstintaq İdarəsi Telegram kanalında məlumat yayıb.
İlkin istintaq məlumatlarına görə, faciəli hadisədən bir qədər əvvəl oğlan başqa uşaqlarla xokkey oynayırmış.
Evə qayıdan o, özünü pis hiss etdiyindən valideynlərinə şikayət edib, bundan sonra ailə təcili yardım çağırıb.
“Hadisə yerinə gələn tibb işçiləri reanimasiya tədbirləri görsələr də, uşağı xilas edə bilməyiblər”, – məlumatda deyilir.
DOĞRU.AZ
