“WhatsApp” tərtibatçıları 2023-cü il oktyabrın 24-dən messencerin milyonlarla smartfonda işini dayandıracağını bildiriblər.
Bu onunla əlaqədardır ki, proqramı dəstəkləmək üçün sizə Android 5.0 və ya daha yüksək versiya ilə işləyən smartfon lazımdır.
Cihazları bu tələblərə cavab verməyən istifadəçilər WhatsApp-dan istifadəni davam etdirmək üçün ya smartfonunun əməliyyat sistemini yeniləməli, ya da yeni cihaz almalıdırlar. Əks halda, onlar səsli mesajlar da daxil olmaqla mesaj göndərə və qəbul edə, video zəng edə və digər WhatsApp xidmətlərindən istifadə edə bilməyəcəklər.
Həmin vaxta qədər əməliyyat sisteminin 4.1 və daha yüksək versiyalı Android əməliyyat sistemi ilə işləyən smartfon sahibləri WhatsApp-dan istifadə edə bilərlər. Beləliklə, Android-in bir neçə nəsli proqrama, o cümlədən 4.1, 4.2, 4.3 və 4.4-ə girişi itirəcək, onların ümumi sayı bir milyon istifadəçini keçir. Bu cihazlar arasında Samsung Galaxy Note 2, Samsung Galaxy S2, HTC One və digərləri var.
Mənbə: Autotech
