Vladimir Zelenski ABŞ prezidenti Donald Trampla mübahisəsi zamanı Ağ Evdə baş verən qalmaqala görə təəssüfləndiyini bildirib, lakin Vaşinqtonun tələb etdiyi kimi davranışına görə üzr istəməyib.
O, bu barədə X-də yazı dərc edib.
“Cümə günü Vaşinqtonda, Ağ Evdə görüşümüz gözlənildiyi kimi keçmədi. Təəssüf ki, bu cür oldu. İşləri yoluna qoymaq vaxtıdır. Biz istərdik ki, gələcək əməkdaşlığımız və ünsiyyətimiz konstruktiv olsun”, – Zelenski yazıb.
O, həmçinin qeyd edib ki, “davamlı sülhə nail olmaq üçün” Trampla işləməyə hazırdır.
Fevralın 28-də Vaşinqtonda Vladimir Zelenski ilə Donald Tramp arasında qalmaqallı görüş baş tutub. Onlar birbaşa Ağ Evdə mətbuatın qarşısında emosional mübahisə ediblər , xüsusilə Zelenski ABŞ prezidentinin sözünü kəsib. Bir anda Tramp Zelenskini təqlid etməyə başladı.
Bunun ardınca Fox News, Ağ Evin yüksək səviyyəli rəsmisinə istinadən xəbər verdi ki, ABŞ-Ukrayna razılaşması üzrə danışıqlar “Zelenski kameralar qarşısına keçib açıq şəkildə üzr istəməyincə ” irəliləməyəcək.
DOĞRU.AZ
