Meta Korporasiyasının rəhbəri Mark Zukerberq bildirib ki, X sosial şəbəkəsi (keçmiş Twitter) ilə rəqabət aparacaq Threads sosial şəbəkəsi axtarış funksiyasını və tətbiqin veb versiyasını işə salmağı planlaşdırır.
Bu barədə TASS məlumat yayıb.
“Axtarış və internet yaxın bir neçə həftə ərzində görünəcək”, – Zukerberq bildirib.
Bundan əvvəl xəbər verilmişdi ki, ABŞ Nümayəndələr Palatasının Ədliyyə Komitəsi “Meta” şirkətinin sahibi Mark Zukerberqi sosial şəbəkələrdəki senzura ilə bağlı aparılan təhqiqatda əməkdaşlıqdan imtina etdiyinə görə ona hörmətsizlik göstərə bilər. Nəşr vurğulayır ki, belə bir addım səsvermə yolu ilə atılsa, bu, yalnız simvolik xarakter daşıyacaq.
Mənbə: TASS
