Pentaqonun rəhbərinin keçmiş müşaviri Duqlas Makqreqor X sosial şəbəkəsində bildirib ki, İsrailin Qəzza zolağında cavab tədbirləri daha böyük müharibəyə səbəb ola bilər.
“Bütün müsəlman dünyasının Qəzzanın və onun əhalisinin dağıdılması ilə bağlı qəzəbi və ikrahı son nəticədə İranı və hətta Türkiyəni də əhatə edə biləcək daha böyük müharibəyə səbəb ola bilər” deyə Makqreqor yazıb.
Pentaqonun rəhbərinin keçmiş müşavirinin sözlərinə görə, Hizbullah fəaliyyətsiz qalarsa, oxşar ssenari mümkündür. Makqreqor həmçinin qeyd edib ki, əgər İsrail Livanın cənubundan hücuma məruz qalarsa, onun quru qüvvələri “qırılma nöqtəsinə qədər uzanacaq”.
Ekspertin fikrincə, münaqişə iştirakçılarının sayının genişlənməsi ilə Misir kənarda qala bilməyəcək və dünya kəskin şəkildə dəyişə bilər.
Mənbə: A Haber
