Xəbər verdiyimiz kimi iyulun 23-də Almaniyanın Frankfurt şəhərində yerləşən Höte adına Frankfurt Universitetində 15 ölkə və 225 iştirakçı arasında BEYNƏLXALQ STEM OLİMPİADASI keçirilib.
Yarışma riyaziyyat, təbiət elmləri və kodlaşma kateqoriyaları üzrə olub. Azərbaycan komandası 31 qızıl medal, 23 gümüş medal, 29 bürünc medal və 16 həvəsləndirici medal əldə edib. Qızıl medal alanlar içərisində ən yaxşı nəticə göstərənlər arasında müxtəlif kateqoriyalarda şagirdlərimiz
6 nəfər 1-ci yer,
5 nəfər 2-ci yer,
1 nəfər isə 3-cü yeri qazanıb.
Birinci yerə sahib olanlardan biri də 8-ci sinif şagirdi Allahverdiyev İbrahim Nizami oğludur. O, riyaziyyat və təbiət elmləri kateqoriyaları üzrə hər iki kateqoriyada 1-cilik qazanıb. Beləliklə A.İbrahim 15 ölkə arasında ikiqat dünya 1-cisi olub.