Əmək və əhalinin sosial müdafiəsi naziri Anar Əliyev Bərdə rayonunda Bərdə və Tərtər sakinlərini qəbul edib.
Doğru.az xəbər verir ki, əvvəlcə nazir və Bərdə Rayon İcra Hakimiyyətinin başçısı Vidadi İsayev Ümummilli Lider Heydər Əliyevin abidəsini ziyarət ediblər.
Qəbul zamanı vətəndaşlar məşğulluq, əlillik, ünvanlı sosial yardım və digər məsələlərlə bağlı müraciət ediblər. Müraciət edənlər arasında şəhid ailələrinin üzvləri və müharibə iştirakçıları da olub.
Hər bir müraciət fərdi qaydada araşdırılıb və qanunvericiliyə uyğun tədbirlər görülüb. Vətəndaşlar müraciətlər əsasında aktiv məşğulluq və özünüməşğulluq proqramlarına qeydiyyata alınıblar.
DOĞRU.AZ
