image-2000x150px
image-123
image-ads_atlas
image-tia_db834ac64c8d7e0d5464c905db503f10_15z0bf7y4ep6hltwsugm-640x336backend

“Bandotdel”dən silsilə əməliyyatlar: Saxlanılanlar var – FOTO/VİDEO

image-728x90px

Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin (“Bandotdel”) əməkdaşları üzərində qanunsuz olaraq odlu silah-sursat saxlayan, eləcə də narkotiklərin satışı ilə məşğul olan şəxslərə qarşı paytaxt və bölgələrdə silsilə əməliyyatlar həyata keçirib.

Doğru.az xəbər verir ki, bu barədə Daxili İşlər Nazirliyi məlumat yayıb.

Nəticədə qanunsuz dövriyyədən 24 kiloqram narkotik vasitə və dörd ədəd odlu silah çıxarılıb.

Tədbirlər zamanı əvvəllər məhkum olunmuş Murad Baxşızadə, Elşad Camalov, Məmməd Məmmədov və Anar Ərəbov üzərlərində odlu silah gəzdirdikləri üçün saxlanılıblar. Onlardan lüləsi və qundağı kəsilmiş dörd ədəd tüfəng aşkar edilib. Baş İdarə əməkdaşları tərəfindən Abşeron, Nəsimi və Suraxanı rayonlarında keçirilən əməliyyatlar zamanı isə narkotiklərin qanunsuz dövriyyəsini təşkil edən Soltan Şirinov, Cavid Əlizadə, tanışı Turan Mustafayev, əvvəllər məhkum olunmuş Fərid Kazımov və Zaur İbrahimov saxlanılıblar. Bu şəxslərdən 19 kiloqram tərkibi psixotrop maddələrlə zənginləşdirilən qurudulmuş marixuana və 5 kiloqram heroin aşkar olunub.

Faktlarla əlaqədar Cinayət Məcəlləsinin müvafiq maddələri ilə cinayət işləri başlanılıb. Adları sadalanan şəxslər barəsində həbs qətimkan tədbirləri seçilib. Əməliyyat-istintaq tədbirləri davam etdirilir.

DOĞRU.AZ

image-whatsapp-image-2024-01-23-at-13-04-23

 

image-nerjbanner

  • whatsapp
  • messenger
  • telegram
  • vkontakte
  • odnoklassniki