Burkina Faso və Mali bu ölkə ilə həmrəylik əlaməti və istənilən təcavüzü dəf etmək üçün hərbçilərin çevriliş həyata keçirdiyi Niger ərazisinə öz döyüş təyyarələrini yerləşdirib.
Bu barədə RTN telekanalı məlumat yayıb.
“Mali və Burkina Faso birgə kommünikelərində yer alan öhdəliklərini konkret fəaliyyətə çevirir. İki qardaş ölkə Nigerə qarşı istənilən formada təcavüzə cavab vermək üçün döyüş təyyarələrini yerləşdirib.
Bundan əvvəl Qərbi Afrika İqtisadi Birliyinin Sülh və Təhlükəsizlik üzrə komissarı Abdel Fatau Musah təşkilatın Nigerdəki vəziyyətə müdaxiləsinin dəqiq tarixinin müəyyən edildiyini, lakin bu barədə məlumat verilməyəcəyini bildirmişdi.
Mənbə: Sözcü
