Xarici İşlər naziri Ceyhun Bayramov Ermənistanda keçirilən növbədənkənar parlament seçkilərindən sonrakı vəziyyət barədə mövqe açıqlayıb.
Ceyhun Bayramov qazaxıstanlı həmkarı ilə keçirilən mətbuat konrafsında deyib:
“Seçkilərdən sonra yeni hökumət formalaşacaq. Düşünürük ki, Ermənistanın siyasi rəhbərliyi ölkədə yaranan böhranın real nəticələrini anlayacaq və düzgün nəticələr çıxaracaq”.
Ermənistanda Mərkəzi Seçki Komissiyasının son məlumatına görə, 1 281 911 bülleten sayıldıqdan sonra Nikol Paşinyanın partiyasının 53,92 % (687 251 seçici), keçmiş prezident Robert Koçaryanın rəhbərlik etdiyi “Ermənistan” blokunun isə 21,04 % (268 165 seçici) səs topladığı təsdiqlənib.
“Mənim şərəfim var” bloku 5,23 % (66 633 seçici), “Çiçəklənən Ermənistan” partiyası isə 3,96 % (50 416 seçici) seçicinin dəstəyini qazanıb.
DOĞRU.AZ
