Əfqanıstanın şərqindəki Hindukuş dağlarında 6,1 bal gücündə zəlzələ baş verib.
Doğru.az xəbər verir ki, Avropa-Aralıq dənizi Seysmoloji Mərkəzinin məlumatına görə, yeraltı təkanların episentri Cəlalabaddan 46 km şimal-şərqdə, 42 km dərinlikdə qeydə alınıb.
Avqustun 31-i axşam saatlarında da Əfqanıstanda 6,0 bal gücündə zəlzələ müşahidə olunmuşdu.
Məlumata görə, zəlzələdən sonra Əfqanıstan hökuməti nəticələrin aradan qaldırılması üçün Rusiyadan kömək istəyib. Reuters yazır ki, təbii fəlakət nəticəsində ölənlərin sayı 1124 nəfərə çatıb, ən azı 3251 nəfər isə yaralanıb.
DOĞRU.AZ
