Doğru.az xəbər verir ki, Azərbaycan Prezidenti yanında Əfv məsələləri Komissiyasının növbəti iclası keçirilib.
Bu barədə komissiyanın üzvü Rəşad Məcid məlumat veribdir. O bildirib ki, komissiya tam tərkibdə olub: “Komissiyanın işi məhsuldar oldu.
150-dən artıq müraciətə baxıldı. Bu gün əsasən yol-hadisəsi törətmiş şəxslərin müraciəti idi”. Onun sözlərinə görə, Komissiyanın iclasları davam edəcək:
“Çox güman ki, bu həftə komissiyanın daha bir iclası baş tutacaq”. Qeyd edək ki, bundan əvvəl komissiyanın 2 iclası keçiriib. Həmin iclaslarda ümumilikdə 200-dən artıq müraciətə baxılıb.
