image-2000x150px
image-123
image-ads_atlas
image-fedbackend

FED faiz qərarını açıqladı

image-728x90px

ABŞ Federal Ehtiyat Sistemi (ABŞ Mərkəzi Bankı, FED) 2022-ci ildə sonuncu faiz qərarını açıqladı.

gözlənildiyi kimi FED faizini 50 baza bəndi də artıraraq 4,25% – 4,50 % aralığına çatdırıb. Bazarlarda da FED-in faizlərini 50 baza bəndi artıracağı proqnozlaşdırılırdı.

Bundan əvvəl FED faizini ardıcıl 4 dəfə 75 baza bəndi artırmaqla 3,75% – 4,00 % aralığına yüksəltmişdi.

FED-in bu gün də faiz artırması ilə faizi 2007-ci ildən bəri ən yüksək səviyyəyə qalxıb.

Saat 23:30-da isə FED sədri Jerome Powell-in mətbuat konfransı başlayacaq. Bazarlar FED-in gələcək monetar siyasətinə dair siqnallar, eləcə də iqtisadiyyatdakı vəziyyətin qiymətləndirilməsini gözləyəcək.

İnflyasiyanın aşağıya doğru meylinin daha aydın görünməsi ilə, FED daha yavaş faiz artırmağa keçir. ABŞ-da istehlak qiymətləri indeksi (inflyasiya göstəricisi) 2022-ci ilin noyabr ayında 2021-ci ilin noyabr ayı ilə müqayisədə 7,1% artıb. Bir ay əvvəl bu rəqəm 7,7% idi. Proqnoz isə 7,3% təşkil edirdi. Beləliklə, noyabrda ABŞ-da illik inflyasiya gözlənildiyindən daha çox yavaşlayıb. Çünki enerji qiymətlərinin düşməsi artan ərzaq qiymətlərini kompensasiya etdi. Aylıq inflyasiya da gözləniləndən az olub və oktyabrdakı 0,4%-ə qarşı noyabrda 0,1% təşkil edib.

İnvestorlar üçün ölkədə istehlak qiymətlərinin artım tempi FED-in gələcək fəaliyyəti ilə bağlı əsas müəyyənedici amillərdən biridir.

Faiz qərarı yekdilliklə qəbul edilib.

Qərarın mətnində FED, daha əvvəl istifadə etdiyi ifadələri saxlayıb: “Faiz artımlarının davam etməsi və pul siyasətinin zamanla inflyasiyanı aşağı salmaq üçün kifayət qədər məhdudlaşdırıcı bir mövqedə qalması məqsədəuyğun olar”.

FED uçot dərəcəsinin daha da artırılmasının məqsədəuyğun olacağını qeyd edir. Mərkəzi Bank hələ də uzunmüddətli perspektivdə iqtisadiyyatda maksimum məşğulluğa və 2% inflyasiyaya nail olacağını gözləyir.

“Pul siyasətində uyğun mövqe seçərkən, komitə daxil olan məlumatların iqtisadi perspektivə təsirini izləməyə davam edəcək. Komitənin məqsədləri üçün risklər yaranarsa, komitə pul siyasətini müvafiq qaydada uyğunlaşdırmağa hazır olacaq“, – tənzimləyici bildirib.

Faiz qərarı ilə yanaşı, FED rəsmilərinin proqnozları da dərc edilib. FED rəsmiləri faizin gələn ilin sonunda 5,1% olacağını proqnozlaşdırırlar. 2024-cü il üçün gözlənti əvvəlki gözləntilərlə müqayisədə artırılaraq 4,1 olaraq təyin olunub.

FED-in gələcək iqtisadi proqnozları da ictimaiyyətin diqqətinə çatdırılıb.

ABŞ-ın iqtisadi artım proqnozu 2022-ci il üçün 0,2%-dən 0,5%-ə qaldırılıb. 2023-cü il üçün gözlənti isə aşağıya doğru yenidən nəzərdən keçirilib.2023-cü il üçün iqtisadi artım proqnozu 1,2 faizdən 0,5 faizə endirilib.

2022-ci il üçün PCE inflyasiya proqnozu 5,4 faizdən 5,6 faizə; 2023-cü il üçün 2,8 faizdən 3,1 faizə yüksəldilib.

Sentyabrda 2022-ci il üçün işsizlik gözləntisini 3,8 faiz olaraq təyin edən rəsmilər, dekabr ayı proqnozlarında işsizliyin 2022-ci ildə 3,7 faiz olacağını proqnozlaşdırırlar. 2023-cü ildə işsizlik gözləntisi 4,4 faizdən 4,6 faizə yüksəldilib.

ABŞ Federal Ehtiyat Sisteminin növbəti iclası 31 yanvar – 1 fevral 2023-cü il tarixlərində keçiriləcək.

image-nerjbanner

  • whatsapp
  • messenger
  • telegram
  • vkontakte
  • odnoklassniki