Rusiya Federasiyasının Aland adalarındakı konsulluğunun bağlanmasını tələb edən vətəndaş təşəbbüsü tələb olunan 50 min səsi toplayıb və Finlandiya parlamentinə gedəcək.
RİA Novosti xəbər verir ki, bu barədə ölkənin vətəndaş təşəbbüslərinin saytında məlumat verilib.
Moskva vaxtı ilə saat 7:00-a olan məlumata görə, təşəbbüs 50 051 imza toplayıb.
Təşəbbüsün təsvirində bildirilir ki, Aland adalarında Rusiya konsulluğu ləğv edilməlidir, çünki Finlandiya hazırda NATO-nun üzvüdür və Rusiya diplomatik missiyası Finlandiya dövlətinin təhlükəsizliyini məhdudlaşdırır və təhlükə altına alır.
Mənbə: RİA Novosti
