Hakim “Gürcü Arzusu – Demokratik Gürcüstan” partiyası xarici agentlər haqqında yeni qanunun təşəbbüskarı olub.
Bu barədə Gürcüstan parlamentinin spikeri Şalva Papuaşvili məlumat verib.
Onun sözlərinə görə, qanun layihəsi Amerikanın FARA qanununun dəqiq surətidir.
“Əgər kimin mətndəki hər hansı söz, nöqtə və ya vergüllə bağlı şikayəti varsa, Amerika Birləşmiş Ştatlarına üz tutsun və Amerika sistemi haqqında bəyənmədiklərini desin”, – TASS onun sözlərindən sitat gətirir.
Papuaşvili daha əvvəl bəyan etmişdi ki, Gürcüstan xarici agentlər haqqında qanunu tənqid edənlərdən üzrxahlıq gözləyir.
Bundan əlavə, məlum olub ki, Gürcüstan hakimiyyəti “dövlətə xəyanət” maddəsini respublikanın Cinayət Məcəlləsinə qaytarmağa hazırlaşır.
DOĞRU.AZ
