Qaqauziya Muxtar Vilayətinin Başçısı Yevgeniya Qutsulun vəkili Nataliya Bayram onun barəsində çıxarılan hökmə qarşı Kişinyov Apellyasiya Məhkəməsinə şikayət veriləcəyini açıqlayıb.
Doğru.az xəbər verir ki, vəkil TASS-a açıqlamasında “Biz bu hökmə Kişinyov Apellyasiya Məhkəməsində etiraz edəcəyik. Bunun üçün 15 günümüz var”, – deyə bildirib.
Xatırladaq ki, Yevgeniya Qutsul 7 il müddətinə azadlıqdan məhrum edilib. Həmçinin Şor partiyasının keçmiş katibi Svetlana Popan da 6 il həbs cəzası alıb.
Kreml isə Qutsula qarşı çıxarılan hökmü siyasi motivli qərar kimi qiymətləndirib.
DOĞRU.AZ
