Ermənistan və Azərbaycan sülh müqaviləsinin imzalanma vaxtı və yeri ilə bağlı məsləhətləşmələr aparır, Ermənistanın baş naziri Nikol Paşinyan Birinci Respublika Gününə həsr olunmuş təntənəli tədbirlərdə deyib.
“Hazırda Ermənistan və Azərbaycan sülh müqaviləsinin imzalanma vaxtı, yeri və şərtləri ilə bağlı ikitərəfli məsləhətləşmələr aparırlar”, – TASS onun sözlərindən sitat gətirir.
Baş nazirin sözlərinə görə, tərəflər sülh sazişi layihəsi üzrə danışıqları başa çatdırıblar.
Bundan əvvəl bildirilmişdi ki, Paşinyan məhkəmənin Azərbaycanla sülhü təsdiqləmədiyi təqdirdə Konstitusiyanın dəyişdirilməsinə icazə verib.
DOĞRU.AZ
