BMT baş katibinin nümayəndəsi Stefan Düjarrik bildirib ki, İsrail bir gün ərzində 1,1 milyon fələstinlinin Qəzza zolağının cənubuna təxliyyə edilməsi zərurəti barədə təşkilata məlumat verib. Bununla belə, BMT belə bir addımın mümkün humanitar nəticələri ilə bağlı narahatlığını ifadə edib.
Düjarrikin bəyanatında vurğulanıb ki, BMT belə bir kütləvi evakuasiyanın dağıdıcı humanitar nəticələrə səbəb ola biləcəyinə inanır. Bu tələb həm BMT əməkdaşlarına, həm də BMT agentliklərində, o cümlədən məktəblər, sağlamlıq mərkəzləri və klinikalarda yerləşən hər kəsə şamil edilir.
Bundan əvvəl xarici işlər naziri Sergey Lavrov Omanın xarici işlər naziri Bədr bin Həməd əl-Busaidi ilə telefon danışığı aparıb, diplomatlar İsrail-Fələstin münaqişəsini müzakirə ediblər. Həmçinin qeyd edilir ki, ölkələrin xarici işlər nazirləri atəşkəs üçün təcili tədbirlərin görülməsini müzakirə ediblər.
Mənbə: Reuters
