2 Fevral Gənclər Günü münasibətilə “Nəfəs İctimai Birliyi” və Huner Group-un birgə təşkilatçılığı ilə “SOS Uşaq Kəndləri Azərbaycan” Assosiasiyasının gəncləri ilə görüş təşkil edilib.
Huner Group-un ofisində baş tutan görüşdə “Nəfəs” İctimai Birliyinin sədri Firəngiz Balakişiyeva, Huner Group-un təsisçisi və direktoru Ehtiram Quliyev və Assosiasiyanın gəncləri, müəllim heyəti iştirak ediblər. Qonaqlar əvvəlcə ofislə tanış olublar, daha sonra ofisin istirahət və əyləncə üçün ayrılmış xüsusi sahəsində maraqlı vaxt keçiriblər. Olduqca faydalı keçən görüşdə Firəngiz Balakişiyeva və Ehtiram Quliyev gənclərin qayğıları ilə maraqlanıb. Onların gələcəklə – karyera və təhsil hədəfləri ilə bağlı dəyirmi masa ətrafında uzun-uzun müzakirələr aparılıb, tövsiyyələr verilib. Gənclərlə yenidən görüş təşkil ediləcəyinə və keyfiyyətli təhsil imkanları əldə etmələri üçün dəstək olunacağına dair söz verilib.
Görüşün sonunda gənclərə müxtəlif xatirə hədiyyələri təqdim edilib.
Gənclərimiz xoşbəxt və sağlam gələcəyə olan ümidlərimizdir. 2 Fevral Gənclər Günü münasibətilə bütün gənclərimizi ürəkdən təbrik edirik!
DOĞRU AZ
