Macarıstan Ukraynanın Avropa Birliyinə daxil olmasına qarşıdır və Viktor Orban hökuməti hakimiyyətdə qalacağı təqdirdə Kiyevə hərbi dəstək verməyəcək.
Doğru.az xəbər verir ki, bu barədə Macarıstanın xarici işlər naziri Peter Siyarto Budapeştdə keçirilən seçkiqabağı mitinqdə bildirib. Onun sözlərinə görə, ölkə müharibəyə qoşulmayacaq: “Biz buna icazə verməyəcəyik. Bu ölkənin suveren milli hökuməti olduğu müddətcə Macarıstan müharibəyə girməyəcək”.
Nazir vurğulayıb ki, parlament seçkilərindən sonra Brüsselin Macarıstanı Rusiya neft tədarükündən birdəfəlik məhrum etmək planı var. Lakin Orban hökuməti ölkənin Rusiya enerji ehtiyatlarını almaq hüququnu müdafiə etməyə davam edəcək.
Bundan əvvəl Almaniyanın Berliner Zeitung qəzeti yazıb ki, Aİ Ukraynanın üzvlüyə namizədliyi ilə bağlı gözləntilərin həddən artıq şişirdildiyini düşünür və bir sıra aparıcı Aİ siyasətçiləri bu prosesi vaxtından əvvəl tərifləyiblər.
DOĞRU.AZ
