Özbəkistanda Cizzaxdakı avtomobil zavodunda 2023-cü ilin sonuna kimi Volkswagen avtomobillərinin istehsalına başlanılacaq.
uznews.uz xəbər verir ki, bu barədə ölkənin İqtisadiyyat və Maliyyə Nazirliyinin dərc etdiyi hökumətin qərar layihəsində deyilir.
Sənədə əsasən, layihənin hazırlanması zamanı elektrik və hibrid avtomobillərin istehsalına böyük diqqət yetiriləcək. Autostrada.uz-un aydınlaşdırdığı kimi, “Cizzax Auto” zavodunda “Volkswagen Caddy” avtomobillərinin SKD yığımı artıq yaradılıb, lakin ehtiyat hissələri və komponentlər Volkswagen-in fəaliyyətini dayandırdığı Rusiyadan tədarük edildiyi üçün layihə dondurulub.
Qətnamədə o da bildirilir ki, Çinin BYD şirkəti tərəfindən Cizzax azad iqtisadi zonasında elektrik avtomobillərinin istehsalı 2024-cü ilin aprel ayına nəzərdə tutulub. Yazda layihəni həyata keçirən avtomobil istehsalçısı UzAuto Motors bu payızda BYD avtomobillərini istehsal etməyi planlaşdırdığını açıqlamışdı.
Mənbə: Sputnik
