Ermənistanın baş naziri Nikol Paşinyanın təyyarəsi xarici səfəri zamanı ilk dəfə Azərbaycanın hava məkanından keçib.
Doğru.az xəbər verir ki, bu barədə Ermənistan baş nazirinin mətbuat katibi Nazeli Baqdasaryan məlumat verib.
“Baş nazirin təyyarəsi avqustun 30-dan 31-nə keçən gecə Azərbaycanın hava məkanı vasitəsilə xarici səfərə çıxıb və sentyabrın 6-na keçən gecə Ermənistana qayıdıb”, – Baqdasaryan sosial şəbəkədə yazıb.
Qeyd olunur ki, bundan əvvəl Paşinyan və Azərbaycan prezidenti İlham Əliyev Şanxay Əməkdaşlıq Təşkilatının (ŞƏT) sammiti çərçivəsində iki ölkənin sülh gündəliyini müzakirə etmişdi.
DOĞRU.AZ
