İspaniyanın baş naziri Pedro Sançes təyyarədə yaranan texniki nasazlıq səbəbindən “istəklilər koalisiyasının” Ukrayna ilə bağlı iclası üçün Parisə gedə bilməyib.
Doğru.az xəbər verir ki, “El Pais” qəzetinin məlumatına görə, Sançes Parisə uçduqdan sonra təyyarəsi xarab olduğundan Madridə qayıtmağa məcbur olub. Baş nazirin sammitdə görüşdə uzaqdan iştirak edəcəyi gözlənilir.
Daha əvvəl “The New York Times” mənbələrə istinadən yazıb ki, “istəklilər koalisiyasının” cümə axşamı, sentyabrın 4-də Parisdə keçiriləcək toplantısında Ukrayna münaqişəsinin həlli variantları ətraflı araşdırılacaq və təkliflər təqdim olunacaq.
DOĞRU.AZ
