Yay aylarının sevilən meyvəsi olan qarpız təkcə sərinlədici dadı ilə deyil, həm də sağlamlığa faydaları ilə diqqət çəkir.
Doğru.az xəbər verir ki, dietoloqların fikrincə, qarpız orqanizmdə su balansını qoruyur, böyrəklərin fəaliyyətini yaxşılaşdırır və qan təzyiqinin tənzimlənməsinə kömək edir. Bu meyvə xüsusilə A, B6 və C vitaminləri, eləcə də likopin kimi güclü antioksidantlarla zəngindir.
Həkimlər isti havalarda qarpızın təzyiqi stabilləşdirici, sərinləşdirici və detoks təsiri göstərdiyini vurğulayırlar. Amma onu da qeyd edirlər ki, şəkərli diabetdən əziyyət çəkən şəxslər qarpız istehlakında ehtiyatlı olmalıdırlar.
Qarpız həmçinin ürək-damar sistemini gücləndirir, əzələlərin bərpasına kömək edir və təbii enerjini artırır.
