Quba rayonunda ölümlə nəticələnən avtomobil qəzası baş verib.
“Report”un məlumatına görə, Quba-Xaçmaz avtomobil yolunun Alekseyevka kəndi ərazisindən keçən hissəsində VAZ-2104 markalı minik avtomobili ilə “Mercedes-Benz” markalı minik avtomobili toqquşub.
Qəza nəticəsində VAZ-2104-ün sürücüsü, 1962-ci il təvəllüdlü Rüstəm Mustafayev hadisə yerində ölüb.
Faktla bağlı araşdırma aparılır.
