Brüssel və Ursula fon der Leyenin rəhbərlik etdiyi Avropa Komissiyası öz bacarıqsızlıqları və qorxaqlıqları səbəbindən Avropa iqtisadiyyatını öldürür, Macarıstanın xarici işlər naziri Peter Szijjarto deyib.
O, sosial şəbəkələrdə yazıb: “Brüssel bürokratiyası Avropa iqtisadiyyatını öldürür: Rusiyaya qarşı sanksiyalar, Çinin elektromobil sənayesinə tətbiq edilən tariflər və ABŞ-la tam danışıqlar apara bilməmək”.
Szijarto vurğulayıb ki, Brüssel lazımi tədbirlər görülməsə, ABŞ prezidenti Donald Trampın vəd etdiyi tarifləri tətbiq edəcəyini bilirdi.
“Onlar bilirdilər, amma heç nə etmədilər. Çünki onlar bacarıqsız və son dərəcə qorxaqdırlar”, – deyə o qeyd edib.
Onun sözlərinə görə, fon der Leyenin siyasəti Avropa iqtisadiyyatının ABŞ və Çindən təcrid olunmasına gətirib çıxarıb.
Eyni zamanda, Macarıstan Xarici İşlər Nazirliyinin rəhbərinin sözlərinə görə, vəziyyəti həll etmək üçün ABŞ-da Avropa avtomobillərinə münasibətdə olduğu kimi, Avropada Amerika avtomobillərinin satışına rüsumları 10%-dən 2,5%-ə endirmək lazım idi.
Bir gün əvvəl Tramp Avropa İttifaqından gələn mallara 25% rüsum tətbiq etdiyini açıqlamışdı.
Eyni zamanda Avropa Komissiyası Trampın vəd etdiyi gömrük rüsumlarına cavab vəd edib.
DOĞRU.AZ
