Xırdalanda yanğın hidrantında nasazlıq yaranıb.
Doğru.az xəbər verir ki, sosial şəbəkələrdə yayılan görüntülərdə qurğudan güclü təzyiqlə su çıxdığı, bunun da ərazidə təhlükəli vəziyyət yaratdığı əks olunub. Küçəyə axan su həm də nəqliyyatın hərəkətini çətinləşdirib.
Məsələ ilə bağlı İri Şəhərlərin Birləşmiş Su Təchizatı Xidmətinə sorğu ünvanlanıb. Qurumdan bildirilib ki, qeyd olunan ünvanda su xəttində qəza baş verib:
“Hazırda müvafiq rayon sukanal idarəsinin qəza briqadası tərəfindən təmir və bərpa işləri aparılır”.
Sözügedən görüntüləri təqdim edirik.
