Yəmənin şimalını idarə edən şiə hərbi-siyasi hərəkat Ənsar Allah (Husi) İsraillə əməkdaşlıqda şübhəli bilinən BMT əməkdaşlarını məhkəmə qarşısına çıxaracaq.
Doğru.az xəbər verir ki, bu barədə Yəmən Husi hökumətinin xarici işlər naziri vəzifəsini icra edən Əbdülvahid Əbu Rəsə məlumat verib.
BMT-nin məlumatına görə, husilər ən azı 59 əməkdaşını saxlayır. Hələlik neçə nəfərin məhkəməyə çıxarılacağı məlum deyil. Təqsirləndirilən şəxslər yəmənlidir və Yəmən qanunlarına əsasən ölüm cəzası ilə üzləşə bilərlər.
Qeyd edək ki, daha əvvəl husilər Qırmızı dənizdə İsrailə və ticarət gəmilərinə hücumları dayandırmışdı.
DOĞRU.AZ
