Yevlax rayonunda yeni yaşıllıq zolaqlarının salınması və ətraf mühitin mühafizəsi istiqamətində işlər davam etdirilir.
Doğru.az AZƏRTAC-ın bölgə müxbirinə istinadən xəbər verir ki, Yevlax şəhərinin Heydər Əliyev prospektində, Q.Quliyev, K.Sabitov və digər küçələrdə, Bakı-Ələt-Qazax-Gürcüstan sərhədi avtomobil yolunun rayon ərazisindən keçən hissəsinin kənarlarında ərazinin iqliminə uyğun yeni ağaclar əkilir, mövcud ağaclara və yaşıllıq sahələrinə mütəmadi olaraq aqrotexniki qulluq göstərilir. Əsas magistral yol və prospektlərin kənarlarına ağac növləri ilə yanaşı, müxtəlif güllər və həmişəyaşıl kollar əkilir.
Yevlax şəhərində yaşıllaşdırma işləri mövsüm ərzində davam ediləcək.
